លោកខឹម វាសនា បកស្រាយរឿងឪពុកម្តាយគ្មានគុណ (វីដេអូ)

លោក ខឹម វាសនា ប្រធាន​គណបក្ស​សម្ព័ន្ធ​ដើម្បី​ប្រជាធិបតេយ្យ (LDP) បានធ្វើការ​ពន្យល់​បក​ស្រាយ​ តាមរយៈ​ទំព័រ​ហ្វេ​ស​ប៊ុ​ក​របស់លោក ​ចំពោះការចោទប្រកាន់ មួលបង្គាច់លោកថា លោកនិយាយថាឪពុកម្តាយគ្មានគុណទេ បង្កើតកូនមក។  

លោក ខឹម វាសនា បានធ្វើការ​ពន្យល់​បក​ស្រាយថា " ខ្ញុំមិនដែលនិយាយថា ម៉ែឪគ្មានគុណក្នុងន័យទូទៅទាល់តែសោះឡើយ គឺខ្ញុំនិយាយថា គ្មានគុណទេ តែក្នុងករណីចិញ្ចឹមកូនដើម្បីផលប្រយោជន៍ផ្ទាល់ខ្លួនតែប៉ុណ្ណោះ ហើយគ្រាន់តែផ្តល់កំណើតអោយកូន មិនទាន់ចាត់ទុកជាអ្នកមានគុណទេ។ ម៉ែឪដែលចាត់ទុកថាជាអ្នកមានគុណបាន ត្រូវបំពេញលក្ខ័ខ័ណ្ឌនៃទឹកចិត្តបីលំដាប់គឺ ចិញ្ចឹមកូនព្រោះតែសេចក្តីស្រលាញ់    ចិញ្ចឹមកូនព្រោះតែសេចក្តីអាណិត និងចិញ្ចឹមកូនព្រោះតែការទទួលខុសត្រូវ។  ខ្ញុំចង់ប្រឆាំងនឹងទស្សនៈមួយថា ទោះជាយ៉ាងណា ទោះបីជាម៉ែឪប្រព្រឹត្តអាក្រក់បែបណាចំពោះកូន ក៏ម៉ែឪនៅតែជាអ្នកមានគុណដែរ ព្រោះគាត់បានផ្តល់កំណើតអោយកូន។ និយាយបែបនេះ ទីមួយ គឺប្រាសចាកហេតុផល និងទីពីរ គឺជាការលើកទឹកចិត្តអោយឪពុកម្តាយមិនចាំចាច់មានការទទួលខុសត្រូវចំពោះកូនទេ ក៏នៅតែជាអ្នកមានគុណលើកូនដែរ។ ដោយឈរលើមូលដ្ឋានវិភាគហេតុផល ហើយជាមូលដ្ឋានរុញច្រានអោយឪពុកម្តាយមានការទទួលខុសត្រូវចំពោះកូនៗ ដែលពួកគាត់បានបង្កើតគេមក។ ម៉្យាងទៀតខ្ញុំ ក៏មិនដែលបង្រៀនកូនៗ មិនអោយគោរពឪពុកម្តាយដែរ ទោះឪពុកម្តាយនោះស្ថិតនៅក្នុងជំពូកណាក៏ដោយ។ "

ចុច វីដេអូ ខាងក្រោម