មេរៀនរបស់ព្រះពុទ្ធមិនមែនជាសាសនាឡើយ។ ការដាក់ការបង្រៀន និងមេរៀនរបស់ព្រះពុទ្ធទុកជាសាសនាគឺជាការបន្ថោកតំលៃព្រះបពុទ្ធ និងបន្ថោកតំលៃមេរៀនត្រាស់ដឹងរបស់ព្រះពុទ្ធ។ ក្នុងលោកនេះ គ្មានអ្នកដទៃណាមួយទាល់តែសោះ អាចមានមហិទ្ធិរិទ្ធ អាចបន្ថោកតំលៃរបស់អ្នកដទៃ ក្រៅពីការងារដែលខ្លួនគេ ឬក្រុមរបស់គេធ្វើចេញមក ដែលជាមូលដ្ឋានកំនត់តំលៃរបស់បុគ្គលនោះឬក្រុមនោះទេ តាមលំអាននេះហើយដែលព្រះពុទ្ធប្រមើលទុកថា មេរៀនរបស់ព្រះអង្គនឹងត្រូវសាបសូន្យដោយបរិស័ទបួនពួក ភិក្ខុភិក្ខុនី ឧបាសក ឧបាសិកា សុទ្ធតែអ្នកនៅក្នុងសំណាក់របស់ព្រះអង្គ។ មានន័យថាម៉េច? មានន័យថាគឺការងារក្រុមរបស់ខ្លួនគេទេដែលធ្វើអោយ អ្វីដែលក្រុមគេចាត់ទុកជាសាសនារបស់ពួកគេនោះអាប់អោន ឬចុះតំលៃនោះ។
តើចំនុចណាដែលបង្ហាញគឺអ្នកនៅក្នងព្រះពុទ្ធសាសនាធ្វើអោយអាប់អោនដល់ព្រះពុទ្ធសាសនានោះ?
ទីមួយគឺ ដោយអ្នកប្រកាន់ខ្លួនថាជាពុទ្ធបរិស័ទមិនស្គាល់ខ្លឹមនៃរបស់ក្នុងដៃដែលខ្លួនកំពុងកាន់ គឺមេរៀនរបស់ព្រះពុទ្ធ។
ទីពីរ គឺមានពួកមនុស្សខូចយកព្រះពុទ្ធសាសនាជាជំនួញកេងប្រវ័ញ្ចអ្នកមានជំនឿក្នុងសាសនាដើម្បីការមានបានរបស់ខ្លួន ជាមនុស្សអាត្មានិយម ផ្អែមខាងក្រៅតែចេតនាដើម្បីប្រវ័ញ្ចលាភ មនុស្សខ្លះបំពានវិន័យផឹកស្រា មានស្រីញី និងប្រពឹត្តអបាយមុខផ្សេងៗ។
អំពើទាំងពីរបែបខាងលើនេះគឺល្ងង់និងខូចរបស់អ្នកកាន់សាសនាព្រះពុទ្ធនេះហើយដែលបន្ថោកតំលៃនៃព្រះពុទ្ធសាសនានោះ។ LDPកំពុងប្តូរផ្តាច់បោសសំអាតគ្រឿងសៅហ្មងស្មោគគ្រោកនៃអ្នកគោរពបដិបត្តមេរៀនរបស់ព្រះសាស្តានៃយើង គឺពន្យល់ដល់មនុស្សដែលទុកមេរៀនព្រះអង្គជាជំនឿអោយពួកគាត់បានយល់ត្រូវថា ព្រះបរមគ្រូនៃយើងលោកបង្រៀនច្បាប់ធម្មជាតិដល់មនុស្សមិនមែនធ្វើអោយមនុស្សមានជំនឿទេ គឺធ្វើអោយមនុស្សមានសទ្ធាជ្រះថ្លា ហើយនិងកំចាត់ចោលអ្នកបោកក្នុងសាសនាដែលជាក្រុមពិបាកអោយបរិស័ទកត់សំគាល់បានថាជាក្រុមចោរបំផ្លាញមេរៀនរបស់ព្រះពុទ្ធនោះ តាមរយ:នៃការពន្យល់បើកបង្ហាញទង្វើថោកទាបរបស់ក្រុមដែលយកសាសនាធ្វើមុខរបរទាំងនោះ ដើម្បីយកមេរៀនត្រាស់ដឹងរបស់ព្រះពុទ្ធមកទុកអោយមនុស្សមានឧបនិស្ស័យបានក្រេបជញ្ចក់នូវរសជាតិមេរៀនត្រាស់ដឹងដ៏អស្ចារ្យនេះ។
ការងាររបស់LDPក្នុងគោលដៅបែបនេះ នាំអោយពួកមនុស្សថោកទាបសណ្តានចោរយកសាសនាទុកជាមុខរបរ ក្តៅរោលរាលនឹងចលនាបដិវត្តន៍យើង ពួកគេប្រមូលកំលាំងគ្នាបំភាន់ការពិត លាបពណ៍ថា យើងជាក្រុមពាល ក្រុមមនុស្សមិនល្អ ចង់បំផ្លាញសាសនា ដើម្បីកៀងយកកំលាំងជនរងគ្រោះដែលពួកថោកទាបទាំងនោះកំពុងតែបោកដែលពួកគាត់ជាក្រុមមនុស្សខ្សោយការពិចារណា មកបំផ្លាញចលនាសង្គ្រោះរបស់យើង។ វាគ្មានជារឿងអ្វីចំលែក ឬមិនធម្មតានោះទេ យើងLDPវាយបំបែកឆ្នាំងបាយដែលបានមកពីការបោកប្រាសពុទ្ធបរិស័ទ របស់ពួកអាចោរក្នុងសាសនាឬអាចោរថង់យាម ពួកវាត្រូវតែក្តៅក្រហាយ ស្រែកប្រកូករកសណ្តានថោកដូចគ្នាមកកំទេចយើងបែបនេះហើយ វាជារឿងធម្មតាណាស់ បើយើងគិតតែពីក្តីសុខផ្ទាល់ខ្លួន ខ្លាចមានរឿងដល់ខ្លួន មិនហ៊ានបើកបង្ហាញការពិតដល់មនុស្ស តើថ្ងៃណាទៅនឹងមានមនុស្សអាចស្គាល់ការពិតបាន មុននិងក្រោយជីវិតនេះគង់តែបែកធ្លាយទេ មនសិកាជាមនុស្សប្រាប់ថា ទុកជីវិតអោយបែកធ្លាយចោលទទេ ជាការអត់ប្រយោជន៍ក្រៃពេកណាស់ យកជីវិតមកប្រឈមនឹងឧបសគ្គដើប្បីបំរើមនោសញ្ចេតនានិងឧត្តមគតិរបស់ខ្លួន នោះពិតជាជីវិតពេញដោយរសជាតិនិងខ្លឹមសារ។
គណបក្សសម្ព័ន្ធដើម្បីប្រជាធិបតេយ្យ គឺជាបក្សរបស់ប្រជាពលរដ្ន កើតចេញពីប្រជាពលរដ្ន ដើម្បីប្រជាពលរដ្ន ដូចនេះហើយការចូលរួមរបស់ប្រជាពលរដ្ឋដូចជាការបង់ប្រាក់គឺជាការចាំបាច់ដើម្បីសម្រេចគោលដៅរបស់ខ្លួន
0 comments: